کہتے ہیں لالچ بری بلا ہے، لالچ انسان کو کئی بار ایسے کام پر مجبور کردیتا ہے جس کا انجام بہت بھیانک بھی ہوسکتا ہے جیسا کہ برازیل کے ایک شہری کے ساتھ ہوا جو سونے کی تلاش میں اپنی جان گنوابیٹھا۔
جنوبی امریکا کے ملک برازیل میں 71 سالہ جوائو پیمینٹا ڈی سلوا نامی شخص نے اپنے گھر کے نیچے مدفون سونے کی موجودگی کا خواب دیکھنے کے کچن کے نیچے کھدائی شروع کی اور 40 میٹر گہرا گڑھا کھود ڈالا۔
جوائو پیمینٹا ڈی سلوا نے اس کا ذکر اپنے پڑوسی سے کیا تو پہلے تو وہ ہنسا لیکن پھر وہ بھی ڈی سلوا کے ساتھ شامل ہوگیا۔بدقسمتی سے ڈی سلوا کی خزانہ حاصل کرنے کی یہ مہم اس وقت ختم ہوئی جب وہ چالیس میٹر گہرے کنویں سے پانی اور کیچڑ نکالنے کی کوشش کے دوران جان گنوا بیٹھا۔
یاد رہے کہ ماضی جنگوں کے دوران امراء اپنے خزانے زمین میں دفن کردیا کرتے تھے جس کی وجہ سے اکثر جگہوں پر کھدائی کے دوران بیش قیمت خزانہ نکل آتے ہیں۔
برازیلین شہری جوائو پیمینٹا ڈی سلوا نے بھی خواب میں دیکھا کہ اس کے گھر کے نیچے خزانہ مدفون ہے جس پر اس نے اپنی جان داؤ پر لگادی، خزانہ تو نہیں ملا لیکن اس کی جان چلی گئی۔