سپریم کورٹ کورٹ کے سینیئر جج جسٹس اعجاز الاحسن نے اپنے عہدے سے استعفیٰ دے دیا ہے۔
پاکستان کے مقامی میڈیا کے مطابق جسٹس اعجازالاحسن نے اپنا استعفیٰ صدر مملکت ڈاکٹر عارف علوی کو بھجوا دیا ہے۔
جسٹس اعجاز الاحسن سنیارٹی لسٹ میں تیسرے نمبر پر تھے اور رواں سال اکتوبر میں چیف جسٹس بننے والے تھے۔
جسٹس مظاہر اکبر نقوی کے خلاف سپریم جوڈیشل کونسل میں دائر ریفرنس کی آج کی سماعت میں جسٹس اعجاز الاحسن شریک نہیں ہوئے تھے۔
خیال رہے کہ گذشتہ دنوں سپریم جوڈیشل کونسل میں شکایات پر کارروائی کا سامنا کرنے والے سپریم کورٹ کے جسٹس مظاہر اکبر نقوی مستعفی ہو گئے تھے۔
منگل کو سپریم کورٹ نے جسٹس نقوی کے خلاف سپریم جوڈیشل کونسل میں کارروائی روکنے کی درخواست مسترد کر دی تھی۔