اسلام آباد سمیت پاکستان کے مختلف شہروں میں زلزلے کے شدید جھٹکے محسوس کیے گئے۔
زلزلہ پیما مرکز کے مطابق ریکٹر سکیل پر زلزلے کی شدت چھ ریکارڈ کی گئی۔
زلزلے کی زیرزمین گہرائی 213 کلومیٹر تھی جبکہ اس کا مرکز کوہ ہندوکش افغانستان تھا۔
مقامی وقت کے مطابق زلزلہ دو بج کر 20 منٹ پر آیا۔
زلزلے کے جھٹکے اسلام آباد، پشاور، سوات، دیر بالا، مردان، صوابی، مظفر آباد، سرگودھا اور ننکانہ صاحب میں بھی محسوس کیے گئے۔
زلزلے کے باعث لوگوں کی ایک بڑی تعداد گھروں اور دفاتر سے باہر نکل آئی۔ تاحال کوئی جانی و مالی نقصان رپورٹ نہیں ہوا۔