بھارت کے کوچ راہول ڈریوڈ نے کہا ہے کہ افغانستان کے خلاف 3 ٹی ٹوئنٹی میچز کی سیریز کے پہلے میچ میں ویرات کوہلی دستیاب نہیں ہوں گے۔
بھارتی کوچ نے کہا کہ کوہلی نجی وجوہات کی بنا پر پہلا میچ نہیں کھیل سکیں گے تاہم دوسرے اور تیسرے میچ میں ٹیم کا حصہ ہوں گے۔
ویرات کوہلی کا ون ڈے اور ٹی 20 کرکٹ سے وقفہ لینے کا فیصلہ
کوہلی اور روہت شرما نے اپنا آخری ٹی ٹوینٹی میچ نومبر 2022 میں آسٹریلیا میں ہونے والے ورلڈ کپ میں کھیلا تھا ، جس دوران بھارت کو سیمی فائنل میں انگلینڈ کے ہاتھوں شکست کا سامنا کرنا پڑا تھا۔
بھارت اور افغانستان کے درمیان پہلا ٹی ٹوئنٹی آج موہالی اور دوسرا 17 جنوری کو بینگلورو میں کھیلا جائے گا۔