ایران، کاسمیٹکس فیکٹری میں آتشزدگی سے 53 افراد زخمی

تہران۔10جنوری (اے پی پی):ایران کے شہر کرج میں کاسمیٹکس ساز فیکٹری میں آتشزدگی کے باعث ہونے والے دھماکےسے 53 افراد زخمی ہو گئے۔العربیہ اردو کےمطابق دھماکہ پروڈکشن لائن کے کچھ حصوں میں گیس لیکج کے باعث ہوا۔

دوسری جانب دارالحکومت تہران کے مغرب میں ضلع البرز میں میڈیکل ایمرجنسی مینجمنٹ سینٹر کے سربراہ احمد مہدوی نے بتایا کہ دھماکا شہر کے جنوب مشرق میں پردیس شہر کے سیمین دشت صنعتی ضلع میں ایک کاسمیٹکس سازفیکٹری میں ہوا۔انہوں نے بتایا کہ ہنگامی ٹیمیں ضروری امداد فراہم کرنے کے لیے فوری طور پر جائے وقوعہ پر پہنچیں۔ انہوں نے بتایا کہ دھماکے اور آتشزدگی کی وجہ سے بعض زخمیوں کی حالت تشویشناک ہے۔