لاہور۔9جنوری (اے پی پی):محکمہ موسمیات کی پیش گوئی کے مطابق آئندہ چوبیس گھنٹوں کے دوران صوبائی دارالحکومت سمیت پنجاب کے بیشتر شہروں میں موسم شدید سردوخشک رہنے جبکہ لا ہور سمیت میدانی علاقوں میں دن کے اوقات میں سموگ اور دھند پڑنے کی وجہ سے درجہ حرارت معمول سے کم رہے گا، اس دوران شہر یوں کو غیر ضروری سفر سے اجتناب اور محتاط ڈرائیونگ کی ہدایت کی گئی ہے۔ترجمان محکمہ موسمیات کے مطابق گزشتہ چوبیس گھنٹوں کے دوران پنجاب کے اکثر علاقوں میں شدید موسم سرد،خشک اور دھند چھائی رہی جبکہ رحیم یارخان اور ڈیرہ غازی خاں میں 2ملی میٹر بارش ریکارڈ کی گئی ۔آئندہ چوبیس گھنٹوں کے دوران صبح اور رات کے اوقات میں لاہور، سیالکوٹ، گوجرانوالہ،نارنگ منڈی ،نارووال،سرگودھا،بدوملہی، اوکاڑہ،فیصل آباد، ٹوبہ ٹیک سنگھ،جھنگ،خانیوال ،ملتان ، بہا ولپور ، ڈیرہ غا زی خان اور گر دو نواح میں شدید ھنداورسموگ چھائے رہنے کاا مکان ہے ۔ترجمان کے مطابق لاہور میں کم سے کم درجہ حرارت 06جبکہ زیادہ سے زیادہ 16سینٹی گریڈ ریکارڈ کیا گیا، ہوا میں نمی کا تناسب 81فیصد رہا،لا ہور میں آلودگی کی مجموعی شرح 236 رہی،اسی طرح شہر کے دیگر علاقوں پو لو گراونڈ میں 302،یو ایس قونصلیٹ 328،سید مراتب علی روڈ270 ،سی ای آر پی آفس272،ڈی ایچ اے فیز 8میں 409،فاسٹ یو نیورسٹی 301،ذکی فارمز 272،پاکستان انجینئرنگ سروسز 279اور شاہراہِ قائد اعظم پر277ریکارڈ کیا گیا۔