سیکرٹری داخلہ آفتاب اکبر درانی کی زیر صدارت اجلاس ، غیر قانونی مقیم غیر ملکیوں کی واپسی کے امور پر جائزہ لیا گیا

اسلام آباد۔8جنوری (اے پی پی):وفاقی سیکرٹری داخلہ آفتاب اکبر درانی کی زیر صدارت غیر قانونی طور پر مقیم غیر ملکیوں کی واپسی کے حوالے سے اعلی سطحی اجلاس پیر کو وزار ت داخلہ میں منعقد ہوا جس میں نادرا، پاسپورٹ آفس، صوبائی حکومتوں اور دیگر اداروں کی نمائندگان نے شرکت کی ۔ترجمان وزارت داخلہ کے مطابق غیر قانونی طور پر مقیم غیر ملکیوں کی اپنے وطن واپسی حکومت کی ترجیحات میں شامل ہے۔

غیر قانونی طور پر مقیم غیر ملکیوں کی واپسی کا عمل جاری ہے۔ ایسے تمام افراد کے کاروبار اور جائیدادکو ضبط کرنے کے عمل کو مزید موثر اور تیز بنایا جائے گا۔کسی بھی غیر ملکی کو بغیر قانونی دستاویزات کے پاکستان میں رہنے کی اجازت نہ دی جائے گی۔ اجلاس میں فیصلہ کیا گیا کہ واپسی کے عمل میں تمام افراد کے ساتھ عزت اور احترام کے ساتھ برتاؤ کیا جائے گا۔