میانوالی کے حلقہ این اے 89 سے بانی پی ٹی عمران خان کے کاغذات نامزدگی مسترد کرنے کے خلاف اپیل پر فیصلہ محفوظ کر لیا گیا۔
الیکشن ٹربیونل میں جسٹس چوہدری عبدالعزیز نے ریٹرننگ افسر کی جانب سے بانی پی ٹی آئی کے کاغذات مسترد ہونے کیخلاف اپیل پر سماعت کی۔ پی ٹی آئی کی جانب سے بیر سٹر علی ظفر، عمیر نیازی اور لامیہ نیازی سمیت دیگر وکلا الیکشن ٹریبونل میں پیش ہوئے۔
عمران خان کی سزا معطل یا کالعدم نہیں ہوئی ، این اے 122 لاہور سے کاغذات مسترد کرنیکا تحریری فیصلہ جاری
الیکشن ٹربیونل نے پوچھا کہ توشہ خانہ میں جو چیزیں لی گئیں ، کیا ان کی تفصیلات دی گئیں؟ جو پیسہ توشہ خانہ کی چیزیں بیچ کر حاصل کیا گیا وہ کیوں ظاہر نہیں کیا گیا؟
بیر سٹرعلی ظفر نے کہا کہ توشہ خانہ کیس میں سزا معطل ہوئی ہے اور اپیل زیر سماعت ہے، توشہ خانہ میں ساری چیزیں ڈکلیئر کی گئیں۔
ڈی جی لاء الیکشن کمیشن ارشد ملک ٹیم کے ہمراہ الیکشن ٹربیونل میں پیش ہوئے جبکہ الیکشن کمیشن کی جانب سے اسسٹنٹ اٹارنی جنرل طیب بلال نے دلائل دیئے۔
اپیلٹ ٹریبونل نے بھی کاغذات مسترد کر دیئے ، شاہ محمود قریشی الیکشن کیلئے نااہل
الیکشن ٹربیونل نے فریقین کے دلائل سننے کے بعد بانی پی ٹی آئی کے کاغذات نامزدگی مسترد ہونے کیخلاف درخواست پر فیصلہ محفوظ کر لیا، جو 10 جنوری کو سنایا جائے گا۔