اسلام آباد۔6جنوری (اے پی پی):پاکستان میں جاپانی سفارت خانے نے سرکاری یا نجی پرائمری یا سیکنڈری اسکولوں میں 5 سال کا تدریسی تجربہ رکھنے والے پاکستانی اساتذہ کے لئے ایم ای ایکس ٹی ٹیچرز ٹریننگ اسکالرشپ 2024 کا اعلان کیا ہے۔ سفارت خانے کی جانب سے ہفتہ کو جاری پریس ریلیز میں کہا گیا ہے کہ معیار کے مطابق 35 سال یا اس سے کم عمر کے اساتذہ اسکالرشپ کے لئے درخواست دینے کے اہل ہوں گے۔ اس تربیتی کورس کا مقصد پاکستانی اساتذہ کو جاپان میں اسکول کی تعلیم پر تحقیق کرنے اور جاپانی ماہرین سے نئے طریقہ کار اور تدریسی تکنیک سیکھنے کا موقع فراہم کرنا ہےجس سے ان کی پیشہ ورانہ ترقی میں مدد مل سکتی ہے۔ جاپان کی وزارت تعلیم، ثقافت، کھیل، سائنس اور ٹیکنالوجی(ایم ای ایکس ٹی) ہر سال بین الاقوامی اساتذہ کو اسکالرشپ کی پیشکش کرتی ہے جو جاپانی حکومت میکسٹ اسکالرشپ پروگرام کے تحت اساتذہ کی تربیت کے طالب علموں کے طور پر جاپان میں نامزد تعلیمی اداروں میں اسکول میں تعلیم پر تحقیق کرنا چاہتے ہیںیہ زیادہ سے زیادہ 18 ماہ کی مدت کا نان ڈگری تربیتی کورس ہے ، لیکن درخواست دہندہ کو جاپان میں یونیورسٹی میں مطلوبہ کورس مکمل کرنے کے بعد سرٹیفکیٹ ملے گا۔درخواستیں بھیجنے کی آخری تاریخ9 فروری 2024 ہے۔ اس پروگرام کے بارے میں تفصیلی معلومات سفارت خانے کی ویب سائٹ https://www.pk.emb-japan.go.jp/itpr_en/MEXT_Teachers_Training.html پر دیکھی جا سکتی ہیں۔