صدر مملکت ڈاکٹر عارف علوی کا سینئر قانون دان سلمان اکرم راجہ کی والدہ کی وفات پر اظہار تعزیت

اسلام آباد۔5جنوری (اے پی پی):صدر مملکت ڈاکٹر عارف علوی نے سینئر قانون دان سلمان اکرم راجہ کی والدہ کی وفات پر دکھ اور تعزیت کا اظہار کیا ہے۔

جمعہ کو اپنے ایک ٹویٹ میں صدر مملکت نے کہا کہ مجھے اپنے دوست سلمان اکرم راجہ کی والدہ کی وفات کی خبر سن کر افسوس ہوا ہے، والدین کی وفات اولاد کیلئے ایک تکلیف دہ لمحہ ہوتا ہے

، دکھ کی اس گھڑی میں پسماندگان سے اظہار تعزیت کرتا ہوں۔ انہوں نے مرحومہ کی مغفرت اور لواحقین کے لیے صبرِ جمیل کی دعا کی۔