سابق وزیر مملکت زر تاج گل غریب شہری کے لاکھوں روپے کھا گئیں، مقدمہ درج کر لیا گیا۔
ڈیرہ غازی خان کے علاقے سخی سرور کے غریب شہری ظفر حسین نے زرتاج گل کے خلاف ایف آر درج کروائی ہے۔
ظفر حسین نامی شہری کی جانب سے دی گئی درخواست میں موقف اختیار کیا گیا ہے کہ اس نے زرتاج گل کو سول اسپتال میں نوکری حاصل کرنے کیلئے بطور رشوت پانچ لاکھ روپے دیے۔
سابق وزیر مملکت نے نہ ہی نوکری لگوائی اور نہ ہی اس کے پانچ لاکھ روپے واپس دیے، غریب شہری کا کہنا ہے کہ نوکری نہ ملنے پر زرتاج گل نے پانچ لاکھ روپے دینے سے انکار کر دیا۔
سابق وزیر مملکت زرتاج گل کے خلاف بارڈر ملٹری پولیس تھانہ سخی سرور میں ظفر حسین کی مدعیت میں مقدمہ درج کر لیا گیا ہے۔