سعودی عرب نے غزہ سے فلسطینیوں کی بے دخلی کے اسرائیلی وزرا کے بیان کو مسترد کر دیا

ریاض ۔5جنوری (اے پی پی):سعودی عرب نے اسرائیلی وزراکےغزہ سے فلسطینیوں کی بے دخلی اور وہاں یہودیوں کو آباد کرنےکے بیان کو مسترد کر دیا ہے۔

العربیہ نیوز کے مطابق سعودی عرب کی وزارت خارجہ نے کہا کہ اسرائیل کی طرف سے اس طرح کا کوئی بھی اقدام بین الاقوامی قوانین کی خلاف ورزی ہو گا۔ انہوں نے کہا کہ ہم اسرائیلی وزراکے ان انتہا پسندانہ بیانات کو دوٹوک انداز میں مسترد کرتے اور ان کی مذمت کرتے ہیں ۔

اسرائیل کو عالمی قوانین کی مسلسل خلاف ورزیوں پر بین الاقوامی قوانین کے تحت کٹہرے میں لانے کی ضرورت ہے۔ اس کے لیے بین الاقوامی برادری کو ٹھوس کوششیں کرنا ہوں گی۔