جمشید دستی کے حلقے کے عوام نے ان کے خلاف مظاہرہ کیا اور انہیں جھوٹا اور فریبی قرار دے دیا۔
سوشل میڈیا پر ویڈیو وائرل ہیں جن میں حلقے کے مرد و خواتین جمشید دستی کے خلاف مظاہرہ کر رہے ہیں، اس موقع پر مظاہرین نے جمشید دستی کی تصویر پر جوتے برسائے اور مردہ باد کے نعرے لگائے۔
اس موقع پر حلقے کی خواتین نے کہا کہ جمشید دستی جھوٹا اور مکار ہے ان کے گھر پر کسی نے کوئی چھاپہ نہیں مارا ہے، ان کے علاقے کے لوگ ہی ان کے خلاف بول پڑے۔
جمشید دستی کے الزامات جھوٹے اور بے بنیاد قرار
واضح رہے کہ جمشید دستی نے اپنے ویڈیو پیغام میں سنگین الزامات عائد کئے تھے، ان کا کہنا تھا کہ میری رہائش گاہ پر چھاپہ مارا گیا اور میری فیملی کو ہراساں کیا گیا ہے۔
اس کے جواب میں ایس ایچ او سٹی مظفر گڑھ خرم ریاض کا کہنا تھا کہ جمشید دستی کے الزامات جھوٹے اور بے بنیاد ہیں، ان کی رہائش گاہ پر کسی قسم کا کوئی چھاپہ نہیں مارا گیا۔