پی ایس ڈی پی کے تحت آبی وسائل ڈویژن کےلئے 38 ارب 67کروڑ روپے جاری

اسلام آباد۔3جنوری (اے پی پی):وزارت منصوبہ بندی ،ترقی و اصلاحات نے سرکاری شعبے کے ترقیاتی پروگراموں میں آبی وسائل ڈویژن کے ترقیاتی منصوبوں کےلئے اب تک 38 ارب 67کروڑ 50 لاکھ روپے کے فنڈز جاری کر دیئے جن میں سے16ارب 12کروڑ روپے خرچ کئے جا چکے ہیں۔

پلاننگ کمیشن کے اعدادوشمار کے مطابق حکومت نے رواں مالی سال کے دوران اس ڈویژن کے ترقیاتی کاموں کےلئے ایک کھرب 10ارب روپے سے زیادہ کے فنڈز مختص کئے ہیں جن میں سے 38 ارب 67 کروڑ 50 لاکھ روپے جاری جبکہ 16 ارب 12 کروڑ روپے خرچ کئے جا چکے ہیں۔