شدید دھند کے باعث پشاور سے رشکئ تک اور اسلام آباد پلازہ سے برہان تک ہر قسم کی ٹریفک کیلئے بند

اسلام آباد۔2جنوری (اے پی پی):موٹروے ایم 1 شدید دھند کے باعث پشاور سے رشکئ تک اور اسلام آباد پلازہ سے برہان تک ہر قسم کی ٹریفک کیلئے بند کر دی گئی ہے جبکہ موٹروے ایم 2 شدید دھند کے باعث اسلام آباد سے بلکسر تک ہر قسم کی ٹریفک کے لیے بند کر دی گئی ہے ۔ ترجمان موٹروے پولیس کے مطابق موٹروے بند کرنے کا مقصد حادثات سے بچاؤ اور موٹروے استعمال کرنے والوں کی جان و مال کی حفاظت ہے ،شہریوں سے درخواست ہے کہ دھند کہ اوقات میں غیر ضروری سفر سے گریز کریں اور اپنا سفر دن کی روشنی میں مکمل کر کے دھند کے اغاز سے پہلے اپنے منزل مقصود تک پہنچ جائیں۔

ترجمان موٹروے پولیس کے مطابق گاڑیوں میں فوگ لائٹس کا استعمال کریں ،تیز رفتاری سے پرہیز کریں اور اگلی گاڑی سے مناسب فاصلہ معمول سے زیادہ رکھیں۔ترجمان موٹروے پولیس کے مطابق سفر شروع کرنے سے پہلے موٹروے پولیس ہیلپ لائن 130 سے معلومات حاصل کی جا سکتی ہیں ،اس کے علاوہ نیشنل ہائی ویز اینڈ موٹروے پولیس کے افیشل سوشل میڈیا اکاؤنٹ سے بھی تازہ ترین معلومات حاصل کی جا سکتی ہیں ۔