پاکستان میں ابھی تک جے این ون اومی کرائون کا کوئی کیس نہیں رپورٹ ہوا ،ڈاکٹر ندیم جان

اسلام آباد۔2جنوری (اے پی پی):نگران وفاقی وزیر برائے قومی صحت ڈاکٹر ندیم جان نے کہا ہے کہ پاکستان میں ابھی تک جے این ون اومی کرائون کا کوئی کیس نہیں رپورٹ ہوا ،کچھ ممالک میں کورونا کا ایک نیا ویرئینٹ جے این ون اومی کرائون رپورٹ ہوا ہے ۔ اپنے بیان میں انہوں نے کہا کہ وزارت صحت مسلسل صورتحال کی مانیٹرنگ کر رہی ہے، یہ اومی کرائون کا ذیلی وائرس ہے، کچھ ممالک میں پایا گیا۔پاکستان میں ابھی تک جے این ون کا کوئی کیس نہیں رپورٹ ہوا ،

اس ویریینٹ کے پاکستان میں پھیلنے کا خطرہ بہت کم ہے لیکن احتیاط ضروری ہے ۔ڈاکٹر ندیم جان نے کہا کہ انٹر نیشنل ہیلتھ ریگولیشنز کی سفارشات پر عمل درآمد کو یقینی بنا رہے ہیں ۔انٹر نیشنل ایئر پورٹس کے داخلی اور خارجی راستوں پر موثر سکریننگ کا نظام موجود ہے۔انہوں نے کہا کہ وزارت صحت نے صوبائی اور علاقائی صحت کے اداروں کو ٹیسٹنگ بڑھانے کا مشورہ دیا گیا ہے ۔سردیوں میں کووڈ یا فلو جیسی بیماریوں کے پھیلائو سے بچنے کے لیے ماسک کا استعمال کریں۔