پی ٹی آئی کارکن صنم جاوید کے جسمانی ریمانڈ میں توسیع کر دی گئی۔
لاہور کی سیشن عدالت میں صنم جاوید کے خلاف مسلم لیگ (ن) کا دفتر جلانے کے مقدمے کی سماعت ہوئی جس سلسلے میں تھانہ ماڈل ٹائون پولیس نے 2 روزہ جسمانی ریمانڈ مکمل ہونے پر ملزمہ کو عدالت میں پیش کرتے ہوئے کہا کہ صنم جاوید سے مزید تفتیش درکار ہے لہٰذا ملزمہ کا مزید جسمانی ریمانڈ دیا جائے۔
پی ٹی آئی کارکن صنم جاوید ایک اور مقدمے میں گرفتار
صنم جاوید کے وکیل نے جسمانی ریمانڈ کی مخالفت کی تاہم عدالت نے پولیس کی استدعا پر فیصلہ محفوظ کر لیا جو کچھ دیر بعد سناتے ہوئے جسمانی ریمانڈ میں ایک روز کی توسیع کر دی۔
دوسری جانب کمرہ عدالت میں میڈیا سے گفتگو کرتے ہوئے صنم جاوید نے کہا کہ جس حلقے سے مریم نواز الیکشن لڑے گی ، اسی حلقے سے میں سامنے آؤں گی۔