سپیکر قومی اسمبلی کی شمالی وزیرستان میں افغان باڈر سے سیکورٹی فورسز پر دہشتگردوں کے حملے کی مذمت،حملے کو ناکام بنانے پر سیکیورٹی فورسز کو خراج تحسین

اسلام آباد۔31دسمبر (اے پی پی):سپیکر قومی اسمبلی راجہ پرویز اشرف نے شمالی وزیرستان میں افغان باڈر سے سیکورٹی فورسز پر دہشتگردوں کے حملے کی مذمت کرتے ہوئے حملے کو ناکام بنانے پر سکیورٹی فورسز کو خراج تحسین پیش کیا ہے۔اتوار کو یہاں جاری بیان میں اسپیکر نے دہشتگردوں کے خلاف فائرنگ کے تبادلے میں نائیک عبدالرئوف کے جانی نقصان پر افسوس کا اظہارکیا ہے۔

اسپیکر نےشہید کے اہلخانہ سے تعزیت کا اظہار کیاہے۔انہوں نے کہا کہ دہشتگرد بوکھلاہٹ کا شکار ہیں اور سکیورٹی فورسز پر بزدلانہ کارروائیاں کر رہے ہیں،پوری قوم سیکیورٹی فورسز کے شانہ بشانہ کھڑی ہے، اسپیکر قومی اسمبلی نے کہا کہ دہشتگرد کبھی بھی اپنے مذموم مقاصد میں کامیاب نہیں ہوں گے ۔سپیکر نے اللہ تعالیٰ سے شہید کے درجات کی بلندی اور لواحقین کیلئے صبر جمیل عطاء فرمانے کی دعا کی۔