پی ٹی سی ایل کے چیف مارکیٹنگ آفیسر نے کہا ہے کہ اس وقت ملک بھر میں ٹیلی نارکے صارفین کی تعداد ساڑھے چار کروڑ ہے اور ہمارے صارفین کی تعداد اڑھائی کروڑ ہے۔
ایک انٹرویو میں انہوں نے کہا کہ فی الحال ہم کسی چیز میں تبدیلی نہیں کر رہے جیسے پہلے سب چل رہا تھااب بھی ویسے ہی چلے گااور دونوں کمپنیاں الگ،الگ کام کر رہی ہیں، گورنمنٹ کی ریگولیٹری اتھارٹیز کام کر رہی ہیں ان کے پاس اپرول کیلئے جائیں گے جس کیلئے ہم جلد ہی کام شروع کرنے جارہے ہیں۔
پی ٹی سی ایل نے لینڈ لائن اور براڈ بینڈ کنکشنز کے ماہانہ ٹیرف میں 10 فیصد اضافہ کردیا
پی ٹی سی ایل کے چیف مارکیٹنگ آفیسر کا کہنا تھا کہ جب تک حکومتی پراسیس مکمل نہیں ہو جاتا ہے جو ٹیلی نار کے کسٹمرز، صارفین ہیں ان کیلئے فی الحال سب کچھ ویسے ہی چلے گا جیسے آج چل رہا ہے۔
جو پیکچز چل رہے ہیں وہ چلتے رہیں گے کسی قسم کا کوئی ردوبدل نہیں کیا جارہا،حکومتی اپرول اور تمام پراسیس مکمل ہونے کے بعد ان دونوں نیٹ ورک اور پیکچزکو اکٹھا کریں گے تب پیکچز اور ری چارج میں تبدیلی، ردو بدل کا فیصلہ کیا جائے گا۔
پی ٹی سی ایل کی جانب سے ٹیلی نار کی خریداری، عام صارفین کو کیا فائدہ ہو گا؟
خیال رہے کہ پاکستان کے معروف ٹیلی کام برینڈ پی ٹی سی ایل (یو فون) نے 1 کھرب روپے سے زائد مالیت کی لاگت سے ٹیلی نار خرید لیا ہے ۔