آئندہ انتخابات پاکستان کے مستقبل کے لیے اہم ہیں،سراج الحق

اسلام آباد۔30دسمبر (اے پی پی):امیر جماعت اسلامی سراج الحق نے کہا ہے کہ آئندہ انتخابات پاکستان کے مستقبل کے لیے اہم ہیں، تمام آئینی اداروں کی جانب سے شفاف اور منصفانہ انتخابی عمل کی اہمیت پر زور دیا ہے۔

ہفتہ کو نجی ٹی وی چینل سے گفتگو کرتے ہوئے امیر جماعت اسلامی نے ملک اور اس کے شہریوں کے لیے انتخابات کی فوری ضرورت پر زور دیا۔قوم کے مستقبل کے لیے پارٹی کے وژن کو بیان کرتے ہوئے انہوں نے کہا کہ انصاف اور مساوات صرف جماعت اسلامی کے ذریعے ہی ممکن ہے۔پارٹی کے ایجنڈے میں معیاری تعلیم کی فراہمی، نوجوانوں کے لیے روزگار کے مواقع پیدا کرنا، پسماندہ افراد کی خوشحالی کو یقینی بنانا اور صاف پانی اور بجلی تک رسائی کو یقینی بنانا ترجیحات میں شامل ہے۔