ملک میں جاری شدید دھند کی وجہ سے پی آئی اے کا لاہور، ملتان اور سیالکوٹ سے فضائی آپریشن متاثر ہوا ،ترجمان پی آئی اے

اسلام آباد۔28دسمبر (اے پی پی):پاکستان انٹر نیشنل ایئر لائن (پی آٰئی اے) کے ترجمان نے کہا ہے کہ ملک میں جاری شدید دھند کی وجہ سے پی آئی اے کا لاہور، ملتان اور سیالکوٹ سے فضائی آپریشن متاثر ہوا ہے۔

مسافر ایئر پورٹ روانگی سے قبل اپنی پرواز کے بارے میں معلومات پی آئی اے کال سنٹر سے ضرور حاصل کر لیں۔ ترجمان نے جاری علامیہ اور آفیشل ٹوئٹر پر مسافروں سے اس زحمت پر پیشگی معذرت بھی کی ہے۔ ترجمان پی آئی اے نے کہا کہ حد نگاہ کم ہونے پر فضائی آپریشن میں دشواری کا سامنا ہے جس کی وجہ سے لاہور ، ملتان اور سیالکوٹ سے پروازوں کا شیڈول متاثر ہے۔

ترجمان نے کہا کہ فضائی آپریشن متاثر ہونے سے مسافروں کو بھی پریشانی کا سامنا ہے اس لیے مسافروں سے التماس سے ہے وہ ایئرپورٹ روانگی سے قبل پی آئی اے کال سنٹر سے اپنی فلائٹ کی معلومات ضرور حاصل کر لیں۔