سپیکر قومی اسمبلی کا سابق وفاقی وزیر جاوید ابراہیم پراچہ کے انتقال پر اظہار تعزیت

اسلام آباد۔27دسمبر (اے پی پی):سپیکر قومی اسمبلی راجہ پرویز اشرف نے سابق وفاقی وزیر جاوید ابراہیم پراچہ کے انتقال پر گہرے دکھ اور افسوس کا اظہار کیا ہے۔

سپیکر میڈیا ونگ سے جاری بیان کے مطابق مرحوم کے اہلخانہ کے نام اپنے تعزیتی پیغام میں راجہ پرویز اشرف نےجاوید ابراہیم پراچہ کی سیاسی و سماجی خدمات کو خراج عقیدت پیش کرتے ہوئے ان کی وفات کو اہلخانہ کے لیے بڑا صدمہ اور ناقابل تلافی نقصان قرار دیا ۔انہوں نے کہا کہ جاوید ابراہیم پراچہ کے انتقال سے پیدا ہونے والا خلا تادیر پر نہیں ہو سکے گا۔

راجہ پرویز اشرف نے اللہ تعالیٰ سے مرحوم کے درجات کی بلندی اور سوگوار خاندان کو اس ناقابل تلافی نقصان کو برداشت کرنے کے لیے صبر جمیل عطا فرمانے کی دعا کی۔