الیکشن کمیشن آف پاکستان نے عام انتخابات کے پیش نظر سرکاری افسران و ملازمین کے لیے ایڈوائزری جاری کر دی۔
سرکاری افسران اورملازمین کی انتخابی سرگرمیوں میں حصہ لینے پر پابندی عائد کردی گئی، اعلامیے کے مطابق سرکاری ملازمین کی چھٹیاں ریٹرننگ افسران کی اجازت سے مشروط کردی گئیں۔
پی ٹی آئی نے الیکشن کمیشن کیخلاف سپریم کورٹ سے رجوع کر لیا
ضلعی افسران ڈی آر او سے چھٹیوں کی اجازت کے پابند ہیں۔ اعلامیے میں مزید کہا گیا ہے کہ صوبائی سیکرٹریٹ، ڈائریکٹوریٹس افسران پہلے چیف سیکرٹری سے چھٹی منظور کروائیں گے، چھٹیوں کی حتمی منظوری ڈی آر او سے حاصل کی جائے گی۔
الیکشن کمیشن کے مطابق 19 ویں ویں گریڈ تک کے وفاقی سرکاری ملازمین ڈی آر او سے چھٹی منظور کروائیں گے تاہم گریڈ 20 اور اوپر کے افسران کو الیکشن کمیشن سے چھٹی کی منظوری لینا ہو گی۔