بلوچستان سائیکلنگ ایسوسی ایشن کے زیر اہتمام یوم قائدکے موقع پر سائیکل ریس کا انعقاد

اے پی پی  |  Dec 25, 2023

کوئٹہ۔ 25 دسمبر (اے پی پی):بلوچستان سائیکلنگ ایسوسی ایشن کے زیر اہتمام یوم قائداعظم محمدعلی جناح کے موقع پر سائیکل ریس کا انعقاد کیا گیا۔ سائیکل ریس کا آغازعسکری پارک سے ریلی کی صورت میں ہوا۔ بلوچستان سائیکلنگ ایسوسی ایشن کے صدر ایاز خان نے جھنڈا لہرا کر سائیکلسٹوں کو رخصت کیا، سائیکل ریلی ائیرپورٹ روڈ سے ہوتی ہوئی نواں کلی بائی پاس سے سائیکل ریس میں تبدیل ہوگئی اور اس کا اختتام ہنہ روڈ اوڑک پرہوا،40کلو میٹر پر محیط سائیکل ریس میں کثیر تعداد میں سائیکلسٹوں نے شرکت کی، عبدالغنی پہلے نمبر پر رہے جبکہ فیض اللہ نے دوسری اور ضمیر احم نے تیسری پوزیشن حاصل کی، بلال احمدچوتھی، محمد اصغرپانچویں اور کریم خان چھٹی پوزیشن کے حقدار ٹھہرے۔

خصوصی انعام بصیر احمد نے حاصل کیا، سائیکل ریس کے اختتام پر انعامات کی تقسیم کی تقریب اوڑک روڈ کے ہوٹل میں منعقد ہوئی ۔ تقریب سے بلوچستان سائیکلنگ ایسوسی ایشن کے صدر ایاز خان اور جنرل سیکرٹری جان عالم نے خطاب کیا اور تمام سائیکلسٹوں کو مبارک دیتے ہوئے کہا کہ بلوچستان سائیکلنگ ایسوسی ایشن اپنی مدد آپ کے تحت سائیکل ریسوں کا انعقادکرواتی ہے،

ہمارے کھلاڑیوں میں ٹیلنٹ کی کمی نہیں، ضرورت اس امر کی ہے کہ ان کی سرپرستی کی جائے،آج کی یہ ریس بانی پاکستان قائد اعظم محمد علی جناح کی یوم پیدائش پر عظیم شخصیت کو خراج عقیدت پیش کرنے کے لئے منعقدہ کی گئی ہے۔ اس موقع پر قائداعظم کی یوم پیدائش کی خوشی میں کیک بھی کاٹا گیاجبکہ پوزیشن ہولڈرز کو کیش انعامات دیئے گئے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More