قائداعظم ایک بصیرت انگیز اور کرشماتی رہنما تھے . برسلز میں پاکستانی سفارت خانے کا بانی پاکستان کو یوم ولادت پر خراج عقیدت

برسلز ۔25دسمبر (اے پی پی):برسلز میں پاکستانی سفارت خانے نے بانی پاکستان قائداعظم محمد علی جناح کے 147 ویں یوم پیدائش پر انہیں خراج عقیدت پیش کیا ہے ۔ بیلجیئم میں پاکستان کے سفارت خانے کے ٹویٹ میں کہا گیا کہ بابائے قوم قائداعظم محمد علی جناح ایک بصیرت انگیز اور کرشماتی رہنما تھے۔جنہوں نے ہمیں ایمان، اتحاد اور نظم و ضبط کے ساتھ آزادی سے ہمکنار کیا۔