فلپائن میں فوجی ٹرک خریداروں پر چڑھ دوڑا، 2 ہلاک، 3 زخمی

منیلا۔24دسمبر (اے پی پی):فلپائن کے شہر داواؤ میں ایک بازار کے باہر ایک شخص نے کھڑے فوجی ٹرک کو اپنے کنٹرول میں لے کر خریداروں سے ٹکر مار دی جس کے نتیجے میں2افراد ہلاک جبکہ 3 زخمی ہو گئے۔

چینی خبررساں ادارے کے مطابق مقامی پولیس ترجمان نے میڈیاکو بتایا کہ ایک فوجی اہلکار نے سٹارٹ ٹرک کو سڑک کنارے کھڑا کیا ہوا تھا اس دوران ایک شخص اچانک ٹرک پر چڑھ گیا اور اسے بھرے علاقے کی طرف موڑ دیا۔

انہوں نے بتایا کہ اس واقعے میں ایک مرد اور ایک خاتون موقع پر ہی ہلاک ہوگئے ہیں ۔انہوں نے مزید بتایا کہ ملزمکو فوری حراست میں لے کر نامعلوم مقام پر منتقل کر دیا گیا ہے جہاں اس سے تفتیش کی جارہی ہے۔