سرینگر: مقبوضہ کشمیر کے ضلع پونچھ میں بھارتی فوجیوں پر حملے میں 5 اہلکار ہلاک اور متعدد زخمی ہو گئے۔
کشمیر میڈیا سروس (کے ایم ایس) کی رپورٹ کے مطابق ضلع پونچھ کے علاقے سرنکوٹ میں بھارتی فوجیوں کو نشانہ بنایا گیا جس کے نتیجے میں 5 اہلکار مارے گئے۔ حملے میں متعدد اہلکار زخمی بھی ہوئے۔
بھارتی فوج پر حملہ سرچ آپریشن کے دوران ہوا جب فوجیوں کی جانب سے ایک علاقے کا محاصرہ کیا گیا تھا۔
یہ بھی پڑھیں: اقوام متحدہ میں غزہ کیلئے انسانی امداد بڑھانے کی قرارداد منظور
کے ایم ایس کی رپورٹ کے مطابق مارے جانے والے فوجیوں کی شناخت بیرندر سنگھ، کرن کمار، چندن کمار اور گوتم کمار کے ناموں سے ہوئی جبکہ زخمیوں کی شناخت سندیپ کمار، شیام سندر داس اور توڈمل دنیشور بھاسکر کے نام سے ہوئی۔
حملے کے باوجود بھارتی فوج کی جانب سے علاقے میں سرچ آپریشن کا سلسلہ جاری رہا۔