سعودی عرب اور پاکستان کی فٹبال فیڈریشنز کے درمیان مفاہمت کی یادداشت پر دستخط ہوئے ہیں۔اتوار کو پاکستان فٹبال فیڈریشن نے اپنے آفیشل ’ایکس‘ اکاؤنٹ پر اس پیش رفت کا اعلان کیا ہے۔پوسٹ میں کہا گیا کہ ’پاکستان فٹبال فیڈریشن سعودی عرب کی فٹبال فیڈریشن کے ساتھ ایک مفاہمتی یاداشت پر دستخط کرنے کا اعلان کرتے ہوئے خوشی محسوس کر رہا ہے۔‘پاکستان فٹبال فیڈریشن نے مزید کہا کہ ’آئندہ دنوں میں اس شاندار شراکت داری کی تفصیلات کے لیے جڑے رہیں۔‘اس سے قبل جمعے کو فیفا ورلڈ کپ کوالیفائر راؤنڈ 2 میں سعودی فٹبال ٹیم نے پاکستانی ٹیم کو 0-4 سے شکست دی تھی۔The Pakistan Football Federation is pleased to announce the signing of a Memorandum of Understanding with the Saudi Arabian Football Federation.
Stay tuned for details on this exciting collaboration in the days ahead. #pakistanfootball #dilsayfootball pic.twitter.com/gHOJpMSoC3
— Pakistan Football Federation (@TheRealPFF) November 19, 2023
سعودی عرب کی قومی فٹبال ٹیم نے اٹلی کے ٹرینر روبرٹو مانچینی کی رہنمائی میں پاکستانی ٹیم کو شکست دی تھی۔سعودی عرب کے انگریزی اخبار ’سعودی گزٹ‘ نے میچ پر تبصرہ کرتے ہوئے کہا تھا کہ مملکت نے پاکستان کو فٹبال کےمیچ میں شکست دے کر کامیابی حاصل کی ہے اور یہ ورلڈ کپ 2026 کی جہت میں سعودی عرب کی اچھی ابتدا ہے۔جمعے ہی کو پاکستانی فٹبال ٹیم کے کوچ ’اسٹیفن کانسٹینٹائن‘ نے کہا تھا کہ ’ہمیں ایک مضبوط ایشیائی ٹیم کا سامنا تھا ، سعودی فٹبال ٹیم نے مثالی پیش رفت کی ہے‘۔عاجل نیوز کو خصوصی انٹرویو دیتے ہوئے پاکستانی فٹ بال ٹیم کے کوچ اسٹیفن نے مزید کہا کہ ہمارا مقابلہ ایک ایشیا کی ایک مضبوط ترین ٹیم کے ساتھ تھا جس نے فٹبال کے میدان میں غیرمعمولی ترقی کی ہے۔