Getty Images
پاکستان اور نیوزی لینڈ کے درمیان بارش کی وجہ سے میچ ایک بارپھر رک گیا ہے۔ میچ دوبارہ رکنے سے قبل پاکستان کو 93 گیندوں پر جیت کے لیے 142 رنز درکار تھے۔
پہلی دفعہ بارش رکنے کی وجہ سے پاکستان کا ہدف 402 رنز سے کم کر کے 342 رنز کر دیا گیا جبکہ نو اوورز بھی کم کر دیے گیے۔ یوں پاکستان کو نیوزی لینڈ کے خلاف میچ جیتنے کے لیے 19.3 اوورز میں 182 رنز بنانا تھا۔
نڈیا کے شہر بینگلور کے ایم چناسوامی سٹیڈیم میں آج کرکٹ ورلڈ کپ کے 35ویں میچ میں پاکستان کی قومی ٹیم اور نیوزی لینڈ کی ٹیم کے درمیان میچ دوسری بار بارش کی وجہ سے رک گیا ہے۔
پہلی بار بارش شروع ہونے سے قبل پاکستان نے 21.3 اوور میں ایک وکٹ پر 160 رن بنائے تھے۔
جب دوبارہ میچ شروع ہوا تھا فخر زمان اور بابر اعظم نے جارحانہ انداز اختیار کیا۔ بابر اعظم نے نصف سنچری مکمل کی۔ بابر اعظم اس وقت 66 رنز پر جبکہ فخر زمان 126 رنز پر کھیل رہے ہیں۔
Getty ImagesGetty Imagesآج کے میچ کا احوال
پاکستان نے ٹاس جیت کر نیوزی لینڈ کو پہلے بیٹنگ کی دعوت دی۔ نیوزی لینڈ نے پاکستان کو جیت کے لیے 402 رنز کا ہدف دیا ہے۔ نیوزی لینڈ نے 6 وکٹوں کے نقصان پر 401 رنز بنائے ہیں۔
جواب میں پاکستان نے 21 اعشاریہ تین اوور میں ایک وکٹ کے نقصان پر 160 رنز بنا لیے ہیں۔ آؤٹ ہونے والے واحد کھلاڑی عبداللہ شفیق ہیں جو چار رنز بنا کر سودی کی گیند پر ولیمسن کو کیچ تھما بیٹھے۔
ان کے آؤٹ ہونے کے بعد کپتان بابر اعظم نے فخر زمان کا ساتھ دیا۔ دونوں کے درمیان سو رنز سے زائد کی شراکت ہو چکی ہے جبکہ فخر زمان نے اپنے کریئر کی 11ویں سنچری بھی مکمل کر لی ہے۔ یہ ان کی تیز ترین سنچری ہے۔ 67 گیندوں پر 106 رنز بنا کر اس وقت ہو کریز پر موجود ہیں۔
بابر اعظم اس وقت 47 رنز پر کھیل رہے ہیں۔
پوائنٹس ٹیبل پر اس وقت نیوزی لینڈ آٹھ پوائنٹس کے ساتھ چوتھے نمبر پر ہے جبکہ پاکستان چھ پوائنٹس کے ساتھ چھٹے نمبر پر ہے۔
آج کے میچ میں پاکستان نے نیوزی لینڈ کی پہلی وکٹ 11ویں اوور میں حاصل کی۔
حسن علی کی گیند پر ڈیون کونوے محمد رضوان کے ہاتھوں کیچ آؤٹ ہوئے۔ انھوں نے 39 بالوں پر 35 رنز بنائے۔ اس طرح حسن علی کو اپنی 100 ویں ون ڈے انٹرنیشنل کی وکٹ مل گئی۔
نیوزی لینڈ کے بلے باز راچن رویندرا نے 34 ویں اوور میں 88 گیندوں پر سنچری بنائی۔ یہ اس ورلڈکپ میں ان کی تیسری سنچری ہے لیکن 36 ویں اوور میں وہ 108 رنز بنانے کے بعد محمد وسیم کی گیند پر سعود شکیل کے ہاتھوں کیچ آوٹ ہو گئے۔
کین ولیمسن، راچن رویندرا کے ساتھ پارٹنرشپ نبھاتے ہوئے 35 ویں اوور میں 95 رنز بنا کر افتخار احمد کی گیند پر فخر زمان کے ہاتھوں کیچ آؤٹ ہو گئے۔
پاکستان کے لیے چوتھی وکٹ ہارث رؤف نے 42 اوور میں ڈیرل مچل کی حاصل کی۔ ڈیرل مچل 19 گیندوں پر 29 رنز بنا کر آؤٹ ہوئے۔
مارک چیپمین 45 ویں اوور میں 39 رنز بنا کر محمد وسیم کی گیند پر آؤٹ ہوئے اور اس کے بعد محمد وسیم نے ہی گلین فلپس کو 49 ویں اوور میں 41 رنز پر آوٹ کر دیا۔
ٹام لیتھم اور مچل سینٹنر ناٹ آؤٹ رہے۔
Getty Images