آئی سی سی کرکٹ ورلڈ کپ کے دوسرے میچ میں نیدرلینڈز نے پاکستان کے خلاف ٹاس جیت کر پہلے بولنگ کا فیصلہ کیا ہے۔پاکستان کی بیٹنگ لائن مڈل آرڈر کی وکٹیں یکے بعد دیگرے گرنے کے بعد ایک بار پھر سنبھل گئی ہے۔اب سے کچھ دیر پہلے تک پاکستان نے چھ وکٹوں کے نقصان پر 244 رنز بنائے تھے۔ اس وقت کریز پر محمد نواز اور شاداب خان موجود ہیں۔اس سے پہلے ٹاپ آرڈر کے فلاپ ہونے کے بعد محمد رضوان اور سعود شکیل نے ذمہ دارانہ بیٹنگ کرتے ہوئے نصف سینچریاں بنائیں۔ سعود شکیل اور محمد رضوان دونوں 68، 68 رنز بنا کر آؤٹ ہوئے۔ جمعے کو انڈیا کے شہر حیدرآباد میں کھیلا جا رہا ہے یہ میچ دونوں ٹیموں کا میگا ایونٹ میں پہلا میچ ہے۔ورلڈ کپ میں پاکستان کا افتتاحی میچ عام طور پر ایک ہلچل یا ہنگامہ خیزی لیے ہوتا ہے لیکن راجیو گاندھی سٹیڈیم میں جمعے کو ہونے والے مقابلے کو دیکھنے کے لیے تماشائیوں کے آنے کا بظاہر کوئی امکان نظر نہیں آتا۔حیدر آباد شہر میں پاکستان کرکٹ ٹیم کے والہانہ استقبال سے چند مبصرین کو یہ اُمید بھی ہے کہ مقامی لوگ پڑوسیوں کے کھیل کو دیکھنے آ سکتے ہیں خاص طور پر جب بابر اعظم جیسا بلے باز اور شاہین آفریدی جیسا بولر اُن کے شہر میں کھیل رہا ہو۔ویسے بھی پاکستان کرکٹ ٹیم انڈیا کھیلنے کم ہی جاتی ہے تو شاید کچھ شائقین یہ سوچ لیے بھی راجیو گاندھی سٹیٹیم کا رخ کریں۔دونوں کرکٹ ٹیموں کا آخری پانچ ایک روزہ بین الاقوامی میچوں کا ریکارڈ دیکھا جائے تو نیدرلینڈز اور پاکستان دونوں نے تین، تین میچوں میں کامیابی حاصل کی۔دونوں ٹیموں کے درمیان آخری انٹرنیشنل میچ آسٹریلیا کے شہر پرتھ میں کھیلا گیا تھا جہاں حارث رؤف کی ایک اُٹھتی ہوئی گیند نیدرلینڈز کے بیٹر باس دی لیڈ کے چہرے پر لگ گئی تھی اور اُن کی آنکھ کے نیچے زخم بن گیا تھا۔پاکستان کی پلئینگ الیونامام الحق، فخر زمان، بابر اعظم (کپتان)، محمد رضوان (وکٹ کیپر)، سعود شکیل، افتخار احمد، شاداب خان، محمد نواز، حسن علی، شاہین شاہ آفریدی، حارث رؤف۔نیدرلینڈز کے پلیئنگ الیونوِکرم جیت سنگھ، میکس او ڈاؤڈ، کولن ایکرمین، باس ڈی لیڈے، تیجا ندامانُورُو، سکاٹ ایڈورڈز (کپتان، وکٹ کیپر)، ثاقب ذوالفقار، لوگان وین بیک، روئلوف فین ڈی مروا، اریان دَت، پاؤل وین مِیکران۔گزشتہ دو ورلڈ کپ کے دوران پاکستان نے اپنے پہلے میچ میں شکست کھائی تھی۔ اس حوالے سے بھی آج کا میچ دلچسپ ہو سکتا ہے۔کپتان بابر اعظم ورلڈ کپ میں اپنے 500 رنز مکمل کرنے سے 26 رنز کی دوری پر ہیں۔