نیپال میں ایک گھنٹے میں چار مرتبہ زلزلہ آیا جس کے بعد انڈیا کے دارالحکومت دہلی سمیت مختلف شہروں میں زلزلے کے جھٹکے محسوس کیے گئے۔انڈین نیوز جینل این ڈی ٹی وی کے مطابق نیپال کے مقامی وقت کے مطابق سہ پہر دو بج کر 51 منٹ پر زلزلے کے جھٹکے محسوس کیے گئے۔نیپال میں پہلے چار اعشاریہ چھ اور پھر 25 منٹ بعد چھ اعشاریہ دو شدت کا زلزلہ آیا۔ اس کے 15 منٹ بعد تین اعشاریہ آٹھ اور تین اعشاریہ 19 شدت کا زلزلہ آیا۔ Earthquake of Magnitude:6.2, Occurred on 03-10-2023, 14:51:04 IST, Lat: 29.39 & Long: 81.23, Depth: 5 Km ,Location:Nepal for more information Download the BhooKamp App https://t.co/rBpZF2ctJG @ndmaindia @KirenRijiju @Indiametdept @Dr_Mishra1966 @Ravi_MoES pic.twitter.com/tOduckF0B9
— National Center for Seismology (@NCS_Earthquake) October 3, 2023
ہندوستان ٹائمز کے مطابق نیشنل سینٹر فار سیسمالوجی نے کہا ہے کہ ریکٹر سکیل پر زلزلے کی شدت چھ اعشاریہ دو ریکارڈ کی گئی اور اس کی گہرائی پانچ کلومیٹر تھی۔نیشنل سینٹر فار سیسمالوجی کا کہنا ہے کہ زلزلے کے جھٹکے 40 سیکنڈ تک محسوس ہوئے۔زلزلے کے خوف کی وجہ سے لوگ گھروں سے باہر نکل آئے۔نیشنل سینٹر فار سیسمالوجی کے مطابق ریاست اروناچل پردیش میں تین بج کر 27 منٹ پر 5.2 شدت کا زلزلہ محسوس کیا گیا اور اس کے کچھ منٹس کے بعد 3.3 شدت کا زلزلہ اترکھنڈ میں آیا۔ریاست اتر پردیش میں لکھنو، امروہا اور ہاپور سمیت 30 اضلاع میں زلزلے کے جھٹکے محسوس کیے گئے۔نیپال اور انڈیا میں زلزلے کی وجہ کوئی جانی و مالی نقصان نہیں ہوا۔