روضہ رسول ﷺ پر نعت پڑھی اور ۔۔ جنید جمشید کے بیٹے نے باپ کی یاد میں سماع باندھ دیا، دیکھئے ویڈیو

دین اسلام کی تبلیغ و ترویج کیلئے شوبز چھوڑ کر درس و تدریس کی راہ اپنانے والے معروف مذہبی اسکالر جنید جمشید مرحوم کے بیٹے سیف اللہ نے روضہ رسول ﷺ پر باپ کی پڑھی نعت پڑھ کر سماع باندھ دیا۔

مذہبی اسکالر جنید جمشید 2016 میں طیارے کے حادثے میں جاں بحق ہوگئے تھے۔ وہ جس طیارے میں سوار تھے وہ اسکردو سے واپسی پر گر کرتباہ ہوگیا تھا۔ ان کے تین بیٹے ان کے بیٹے تیمور، بابر اور سیف جبکہ ایک بیٹی ہے۔

سوشل میڈیا پر وائرل ہونیوالی ویڈیو میں مرحوم جنید جمشید کے بیٹے کو روضہ رسول ﷺ کے سامنے بیٹھ کر اپنے والد کا مشہور نعتیہ کلام ’محمد کا روضہ‘ پڑھتے ہوئے دیکھا جاسکتا ہے۔جنید جمشید کے بیٹے سیف اللہ نے مدینہ منورہ میں عمرے کی سعادت حاصل کی۔

سیف اللہ کی ویڈیو کو سوشل میڈیا صارفین نے بہت پسند کیا اور باپ کا نعتیہ کلام پڑھنے کی وجہ سے سوشل میڈیا صارفین کے دلوں میں ایک بار پھر جنید جمشید کی یادیں تازہ ہوگئی ہیں۔