راولپنڈی میں خاتون کے ساتھ ڈکیتی اور تشدد میں ملوث ملزم گرفتار

راولپنڈی پولیس نے وارث خان کے علاقے میں خاتون کے ساتھ ڈکیتی اور تشدد میں ملوث ایک ملزم کو زخمی حالت میں گرفتار کر لیا ہے۔

منگل اور بدھ کی درمیانی رات وارث شاہ کے علاقے میں پولیس نے شک کی بنا پر ایک موٹرسائیکل کو رُکنے کا اشارہ کیا تو موٹرسائیکل سواروں نے پولیس پر فائرنگ شروع کر دی۔

فائرنگ کے دوران پولیس نے ایک شخص کو زخمی حالت میں گرفتار کر لیا جبکہ دوسرا فرار ہونے میں کامیاب ہو گیا۔

گرفتار ملزم نے ابتدائی تفتیش میں ایک روز قبل وارث شاہ کے علاقے میں خاتون ٹیچر سے ڈکیتی اور تشدد کی واردات میں ملوث ہونے کا انکشاف کیا۔

ملزم نے یہ بھی بتایا کہ واردات میں ملوث دوسرا ساتھی اس کا بھائی ہے۔  

سی پی او سید خالد ہمدانی نے خاتون ٹیچر کے ساتھ واردات کا نوٹس لیتے ہوئے ملزمان کی جلد از جلد گرفتاری کا ٹاسک دیا تھا۔