ایشیا کپ شروع بھی نہیں ہوا وہیں بنگلادیش کو ٹورنامنٹ سے پہلے بڑا نقصان ہوگیا۔
رپورٹس کے مطابق بنگلادیش کے مضبوط بیٹر لٹن داس وائرل بخار کے باعث ایشیا کپ میں شرکت نہیں کرسکیں گے۔
بنگلادیش کرکٹ بورڈ کا کہنا ہے کہ وکٹ کیپر بیٹر لٹن داس وائرل بخار سے چھٹکارا نہیں پا سکے، وہ بخار کی وجہ سے ایشیا کپ سے باہر ہو گئے ہیں۔
ان کی جگہ اب انعام الحق کو شامل کیا گیا ہے اور آج وہ سری لنکا میں اسکواڈ کو جوائن کریں گے۔
واضح رہے واضح رہے کہ ایشیا کپ میں بنگلادیش اور سری لنکا کا میچ 31 اگست کو شیڈول ہے۔