دوستوں! اب میں ٹک ٹاک پر بھی آگیا ۔۔ عمران خان بھی کسی سے کم نہیں، ٹک ٹاکر گھبرانا شروع کردیں

سابق وزیراعظم اور تحریک انصاف کے چیئرمین عمران خان نے بھی ٹک ٹاک پر انٹری مار دی ہے جہاں وہ نوجوانوں سے بات کرنے کے لیے اب ہر روز دن میں کئی مرتبہ نظر آئیں گے۔ پاکستان تحریک انصاف کی ٹوئٹر اکاؤنٹ پر شیئر کی جانے والی نئی پوسٹ میں ایک تصویر ہے جس پر لکھا ہوا کہ پاکستان تحریِ انصاف کے چیئرمین عمران خان اب ٹک ٹاک بھی جوائن کر رہے ہیں۔

عمران خان کے ٹک ٹاک جوائن کرتے ہی ایک ہی دن میں 2 لاکھ 69 ہزار لوگوں نے انہیں فالو کرلیا جبکہ ٹوئٹر پر دیکھتے ہی دیکھتے ٹرینڈ بن گیا۔ تحریک انصاف کے چاہنے والے جہاں عمران خان کے اکاؤنٹ کی پروموشن کرتے دکھائی دے رہے ہیں وہیں کچھ صارفین نے خوب دلچسپ تبصرے بھی کیے، ایک صارف نے تبصرہ کرتے ہوئے لکھا سیاست میں کیا رکھا ہے ، ٹک ٹاکر بن جاؤ بہت اسکوپ ہے۔ تو کسی نے کہا ان جنت مرزا کو بھی گھبرانے کی ضرورت ہے کیونکہ ان کو ٹکر دینے والا ایک جاندار کھلاڑی میدان میں آچکا ہے۔