سابق مشیر داخلہ و احتساب شہزاد اکبر نے کہا ہے کہ بھگوڑا نہیں، برطانیہ میں موجود ہوں ، نیب کے سوالنامے کا جواب دیدیا ہے، میرے وارنٹ جاری نہیں کئے گئے۔
شہزاد اکبر نے کہا کہ نیب کو کہہ چکا ہوں کہ سوالات پوچھنے ہیں تو ویڈیو لنک پر دستیاب ہوں ، سارے سوالوں کا جواب دوں گا لیکن نیب مجھے بلا کر شہباز گل والا سلوک کرنا چاہتا ہے ۔
لندن میں صحافیوں سے غیر رسمی گفتگو کے دوران انہوں نے کہا کہ اسی سال انتخابات ہوتے نظر نہیں آرہے، جنرل قمر جاوید باجوہ پی ٹی آئی کیخلاف تھے ، پہلے ہی پتہ چل گیا تھا کہ ہماری حکومت کا تختہ الٹ دیا جائیگا، موجودہ ملکی حالات کے ذمہ دار جنرل باجوہ ہیں۔