ٹوئٹر کے مالک ایلون مسک پلیٹ فارم پرسنسر شپ عائد کرنے کی وجہ سے شدید تنقید کی زد میں ہیں ۔ ایسے حالات میں افغان طالبان نے ٹوئٹر کو ’آزادی اظہار ’ کے لیے بہترین پلیٹ فارم قرار دیا ہے۔
غیرملکی خبر ایجنسی ’اے ایف پی‘ کے مطابق ایک سینئر طالبان رہنما انس حقانی کا اس حوالے سے کہنا ہے کہ ’تھریڈز‘ کے آغاز کے بعد ٹوئٹر کو دوسرے سوشل میڈیا پلیٹ فارمز کے مقابلے میں ’دو اہم فوائد‘ حاصل ہوئے ہیں۔
انس حقانی نے کہا کہ پہلا فائدہ آزادی اظہار جبکہ دوسرا عوامی نوعیت اور ٹوئٹر کی ساکھ ہے۔ انہوں نے مزید کہا کہ ’ٹوئٹر باقی میٹا کی طرح عدم برداشت کی پالیسی نہیں رکھتا اس لیے دیگر پلیٹ فارمز کیلئے اس کی جگہ لینا ممکن نہیں ۔
دوسری جانب طالبان رہنما کے ٹویٹر کے حوالے سے بیان پر چند صارفین نے رد عمل دیتے ہوئے کہا کہ طالبان حکومت نے شہریوں کو برابر کے حقوق نہیں دیے۔