بنگلہ دیش کی وزیر اعظم شیخ حسینہ واجد نے اپنے پاکستانی ہم منصب شہباز شریف کو تازہ موسمی آم تحفے کے طور پر بھیجے ہیں۔
ڈھاکہ ٹریبیون کی خبر کے مطابق، اسلام آباد میں بنگلہ دیشی ہائی کمیشن نے 1,500 کلو آم پاکستان کی وزارت خارجہ کے ایک پروٹوکول افسر کے حوالے کیے۔
پاکستان میں بنگلہ دیش کے ہائی کمشنر محمد روح العالم صدیق نے کہا کہ یہ تحفہ “دونوں برادر ممالک کے درمیان سفارتی تعلقات میں ایک نئی جہت کا اضافہ کرے گا اور باہمی دوطرفہ تعلقات کو مزید فروغ دے گا۔”
یاد رہے کہ مینگو ڈپلومیسی کئی عرصے سے چلی آرہی ہے ۔