وزیراعظم شہباز شریف نے کہا ہے کہ آرمی چیف جنرل عاصم منیر پر قاتلانہ حملے کی سوشل میڈیا پر مہم چلانا قابل مذمت ہے ،9 مئی کے یوم سیاہ کیلئے بھی ایسے ہی ذہن سازی کی گئی تھی۔
وزیراعظم نے 9 مئی کے منصوبہ سازوں ،سہولت کاروں اور ہینڈلرز کو دوٹوک پیغام دہتے ہوئے کہا کہ پاکستان اور اداروں کیخلاف ہر سازش کچل دی جائے گی۔
انہوں نے کہا کہ آرمی چیف اورفوج کیخلاف گھٹیا، مذموم اورشرانگیزمیڈیا مہم شیطانی ذہن کی منصوبہ بندی کا نتیجہ ہے، وزیراعظم نے متعلقہ اداروں کو میڈیا مہم چلانے والوں کے خلاف قانونی اقدامات کی ہدایت کرتے ہوئے کہا کہ فوج اور اس کے سربراہ کے خلاف میڈیا مہم آزادی اظہار کے زمرے میں نہیں آتا، یہ صرف سازش ہے جسے روکنا ہمارا قانونی فرض ہے۔ قوم اپنی فوج اور آرمی چیف کیساتھ کھڑی ہے۔