چین نے پاکستان سے کہا ہےکہ وہ ایم ایل ون کےکئی ارب ڈالر کے معاہدے کےلیے 100 فیصد فنانسنگ چینی کرنسی آرایم بی میں حاصل کرے۔
جنگ اخبار کے مطابق پاکستان نے ایم ایل ون کےلیے فنانسنگ 50 فیصد چینی کرنسی آر ایم بی اور 50 فیصد امریکی ڈالر میں تقسیم کرنے کی تجویز دی تھی ۔
چین نے اس مطالبے کویکسر ردکرتے ہوئے کہا ہے کہ ایم ایل ون کی ساری فنانسنگ چینی کرنسی میں حاصل کرنا ہوگی۔
گزشتہ کئی برسوں کی سرتوڑ کوششوں کے باوجود ایم ایل ون کی فنانسنگ کا معاملہ ابھی تک حتمی صورت اختیار نہیں کر سکا۔
پاکستان اور چین اس معاملے کو آئندہ مشترکہ تعاون کی کمیٹی ( جے سی سی ) کے اجلاس میں زیربحث لاسکتے ہیں جو کہ 11 جولائی کو 2023 میں چین میں ہونے والاہے۔