بھارت میں ٹماٹر پیٹرول سے مہنگا ہو گیا

بھارت میں ٹماٹر کی قیمت کو پر لگ گئے ہیں، ٹماٹروں کی قیمت میں اضافے سے شہری شدید پریشان ہیں۔

بھارتی میڈیا کا کہنا ہے کہ ٹماٹر کی قیمت میں 445 فیصد اضافے نے عوام کے ہوش اڑا دیے ہیں، بھارتی میڈیا کا کہنا ہے کہ خراب موسم کی وجہ سے ٹماٹر کی قیمتوں میں اضافہ ہو رہا ہے۔

بھارت میں بارشوں کی وجہ سے ٹماٹر کی فصل متاثر ہوئی ہے، بتایا گیا ہے کہ جون اور جولائی میں عموماً بھارت میں ٹماٹرکی قیمتیں بڑھ جاتی ہیں لیکن اس بارے قیمتوں میں بہت زیادہ اضافہ ہو گیاہے۔

نئی دہلی میں ٹماٹر کی فی کلو قیمت 120 روپے ہے، ٹماٹر کی سال کے آغاز پر قیمت صرف 22 روپے کلو تھی، اب بھارت میں پیٹرول کی قیمت 96 روپے فی لیٹر ہے جبکہ ٹماٹر کی قیمت 120 روپے ہے۔

کچھ ماہ قبل جب پاکستان میں ٹماٹر کی قیمتیں زیادہ تھیں تو اس وقت بھارت میں ٹماٹر کی قیمتیں اتنی کم تھی کہ کسانو ں کو ٹماٹر خریدنے کے لئے خریدار نہیں مل رہا تھا اور ان کے ٹماٹر خراب ہو رہے تھے لیکن اب ٹماٹر کی قیمتوں میں بڑا اضافہ ہو گیا ہے۔