قائمہ کمیٹی قانون و انصاف:2 سے زائد نشستوں سے انتخابات میں حصہ لینے کیخلاف بل منظور

قومی اسمبلی کی قائمہ کمیٹی برائے قانون و انصاف نے دو سے زائد نشستوں سے انتخابات میں حصہ لینے کیخلاف بل کی منظوری دے دی۔

تفصیلات کے مطابق مذکورہ  بل جماعت اسلامی کے مولانا عبدالاکبر چترالی نے قومی اسمبلی میں جمع کروایا تھا۔

بل اسمبلی سے پاس ہونے کی صورت میں عام یا ضمنی انتخابات میں ایک امیدوار زیادہ سے زیادہ دو نشستوں سے الیکشن لڑ سکے گا۔

مولانا عبدالاکبر چترالی کا کہنا ہے کہ ایک امیدوار جب متعدد نشستوں سے الیکشن لڑتا ہے تو قومی وسائل ضائع ہوتے ہیں۔