گلگت بلتستان کےنئے وزیراعلیٰ کے انتخاب سے قبل پاکستان تحریک انصاف کا فارورڈ گروپ سامنے آگیا۔اس گروپ کی قیادت سابق وزیر صحت گلگت بلتستان حاجی گلبر خان کر رہے ہیں۔
حاجی گلبر خان نے دعویٰ کیا ہے کہ انہیں سات سے 8 منحرف اراکین کی حمایت حاصل ہے۔
رہنما فاروڈ گروپ حاجی گلبرخان نے اس موقع پرکہاکہ 9 مئی کے واقعات قابل مذمت ہیں۔ گلگت اور دیامر کے عوام کا مسلح افواج کے ساتھ ہمیشہ سے گہرا تعلق رہا ہے۔
واضح رہے منگل کو چیف کورٹ کے تین رکنی بینچ نے جعلی ڈگری کیس میں وزیراعلیٰ گلگت بلتستان خالد خورشید کو نا اہل قرار دیا تھا ۔