سعودی عر ب میں سورج آگ برسانے لگا

سعودی عرب میں موسمیات کے قومی مرکز کے مطابق آج ملک میں درجہ حرارت 47 ڈگری سینٹی گریڈ تک پہنچ گیا ہے۔

موسمیاتی مرکز نے سماجی رابطے کی ویب سائٹ ٹوئٹر پر بتایا کہ آج مکہ مکرمہ اور منیٰ 47 ڈگری، عرفات اور مزدلفہ 46 ڈگری، الصمان 45 ڈگری، حفر الباطن اور الدہنا 44، اور ودای الدواسی، شرورۃ، العلا اور الاحساء میں 43 درجے ریکارڈ کیا گیا۔

آج بروز اتوار مدینہ، دمام، التنہات اور الخرج میں درجہ حرارت 42 ڈگری، ریاض، بریدہ اور رفحاء میں 41 ڈگری اور تبوک میں 40 ڈگری ہے۔

آج کم سے کم درجہ حرارت : ابہا 19 ڈگری، الباحہ اور قریات 20، طریف 21، طائف 22، الدوادمی 23، سکاکا 24، تبوک، بریدہ، حائل، رفحاء، مجمعہ ، اور نجران میں 25 ڈگری سیلسیس ریکارڈ کیا گیا۔