قومی کرکٹ ٹیم کے سابق وکٹ کیپر راشد لطیف نے کہا ہے کہ آئندہ ٹیسٹ سیریز کیلئے سرفراز احمد کو محمد رضوان کی جگہ ٹیسٹ نائب کپتان مقرر کیا جانا چاہیے تھا۔
سوشل میڈیا پر اپنے ایک بیان میں انہوں نے سری لنکا کے خلاف کھیلے جانے والی ٹیسٹ سیریز کیلئے قومی ٹیم کے اعلان کردہ اسکواڈ سے متعلق اظہار خیال کیا۔ انہوں نے کہا کہ سرفراز احمد اپنی کارکردگی اور تجربے کی وجہ سے نائب کپتانی کیلئے زیادہ بہتر امیدوار تھے۔
راشد لطیف کا کہنا تھا کہ سرفراز کی واپسی نے بحیثیت کھلاڑی اِن کی صلاحیتوں اور انکے قابل اعتماد ہونے کا ثبوت دیا۔ سرفراز کی پچھلی کارکردگی اِن کی پلیئنگ الیون میں شمولیت کی ضمانت دیتی ہے اور ٹیسٹ نائب کپتان کے طور پر ان کے انتخاب کو مزید جواز فراہم کرتی ہے۔
سابق کرکٹر نے تجویز پیش کرتے ہوئے کہا کہ سرفراز احمد کی صلاحیت اور نیوزی لینڈ کے خلاف حالیہ سیریز میں ان کی شاندار کارکردگی کو دیکھتے ہوئے رضوان کو نائب کپتان برقرار رکھنے کا فیصلہ جائز نہیں ہے۔
انہوں نے مزید کہا کہ بابر اعظم کو تمام فارمیٹس میں کپتان ہونا چاہیے لیکن کسی پر بے جا احسانات نہ کریں۔ اگر کوئی اور ٹیسٹ میں قائدانہ کردار کا مستحق ہے تو وہ سرفراز احمد کے علاوہ کوئی نہیں ہے۔
خیال رہے کہ حال ہی میں پاکستان کرکٹ بورڈ (پی سی بی) کی جانب سے سری لنکا کے خلاف کھیلی جانے والی ٹیسٹ سیریز کے اسکواڈ کا اعلان کیا گیا ہے۔ اسکواڈ کے مطابق بابر اعظم کپتان اور محمد رضوان کو نائب کپتان مقرر کیا گیا ہے۔
🚨 16-strong squad for our first assignment of the 2023-25 ICC World Test Championship 💪
Read more ➡️ https://t.co/IwunZOcj6i#SLvPAK pic.twitter.com/Pj1YWUmWxg
— Pakistan Cricket (@TheRealPCB) June 17, 2023