سابق پاکستانی کرکٹر مشتاق احمد کے بیٹے کا انڈین گلوکارہ کے ساتھ گانا

پاکستان کے سابق لیگ سپنر مشتاق احمد کے بیٹے بزل مشتاق کا انڈین گلوکارہ کے ساتھ نیا گانا ریلیز ہو گیا ہے۔

بَزل مشتاق کے نئے گانے کا نام ’سانسیں‘ ہے جس میں اُن کے ساتھ انڈین گلوکارہ نندنی شرما اپنی آواز کا جادو بکھیر رہی ہیں۔

نوجوان سنگر کا گانا یوٹیوب پر ریلیز کیا گیا ہے جہاں اسے اب تک ایک لاکھ 77 ہزار سے زائد بار دیکھا جا چکا ہے۔

اگر ویڈیو کی عکس بندی کی بات کی جائے تو اسے خوب صورت رنگوں میں شوٹ کیا گیا ہے اور یہ شاعری اور موضوع کے عین مطابق ہے۔

اس سے قبل 2020 میں بَزل مشتاق نے اپنا پہلا گانا ’خطا‘ یوٹیوب پر ریلیز کیا تھا جسے عوام کی جانب سے خوب پسند کیا گیا تھا۔

دوسری جانب انڈین سنگر نندنی شرما اس سے قبل یش راج فلمز کے گانے ’میرا رانجھا‘ سے اپنا ڈیبیو کر چکی ہیں۔ 

    View this post on Instagram           A post shared by Nandni Sharma (@nandnisharmamusic1)

خیال رہے انہوں نے حالیہ دنوں میں کوک سٹوڈیو انڈیا کے لیے بھی ’گیجاگا ہَکی‘ نامی گانے میں پرفارم کیا ہے۔