پاکستان میں قیام کرنے کیلئے رجسٹریشن کی تجدید نہ کروانے والے ساڑھے 7 لاکھ افغان مہاجرین کو ملک بدر کرنے کا فیصلہ کرلیا گیا۔
روزنامہ ایکسپریس کے مطابق غیر قانونی سرگرمیوں میں ملوث ہونے کے خدشات پر وزارتِ داخلہ حرکت میں آگئی۔ غیر قانونی طور پر مقیم اِن افغان مہاجرین کا نادرا اور وفاقی تحقیقاتی ادارے (ایف آئی اے) میں موجود ڈیٹا تھانوں کو دینے کا فیصلہ کرلیا گیا۔
وزارت داخلہ کی جانب سے فارن ایکٹ کے تحت اِن افغان مہاجرین کو گرفتار کرکے ملک بدر کیا جائے گا۔
خیال رہے کہ اس سے قبل سکیورٹی ذرائع کی جانب سے یہ خبر سامنے آئی تھی کہ 2 لاکھ 80 ہزار افغانی طورخم بارڈر سے قانونی طریقے سے پاکستان میں داخل ہوئے۔ ان میں سے ایک لاکھ 10 ہزار افغانی واپس چلے گئے لیکن باقی روپوش ہوگئے تھے۔