عالمی مارکیٹ میں خام تیل کی قیمتیں گزشتہ روز چار فیصد تک کم ہو گئیں۔
رائٹرز کی رپورٹ کے مطابق برطانوی برینٹ خام تیل کے سودے گزشتہ روز 39 فیصد کی کمی کے ساتھ 71.84 ڈالر فی بیرل پر ہوئے جو کہ دسمبر 2021 کے بعد کم ترین نرخ ہیں۔
دوسری جانب امریکی ٹیکساس انٹرمیڈیٹ کے سودے 4.4 فیصد کی کمی کے ساتھ 67.12 ڈالر فی بیرل پر ہوئے۔
واضح رہے کہ پاکستان میں روس سے سستے تیل کی پہلی کھیپ پہنچ چکی ہے اگر روس سے تیل کی آمد کا تسلسل جاری رہا تو پاکستان میں پیٹرولیم مصنوعات کی قیمتوں میں بھی نمایاں کمی کا امکان ہے۔