سابق وفاقی وزیر اورپاکستان تحریک انصاف کے سینئر رہنما غلام سرور خان نے کہا ہے کہ وہ پی ٹی آئی چھوڑ کر کہیں نہیں جا رہے۔
نجی ٹی وی پروگرام میں گفتگو کرتے ہوئے انہوں نے کہا کہ قومی اسمبلی سے استعفے دینا اور اسمبلیاں توڑنا اس وقت کے لحاظ سے درست فیصلہ تھا لیکن اس کے مطلوبہ نتائج حاصل نہیں ہو سکے۔
غلام سرور خان نے مزیدکہا کہ جن لوگوں نے جی ایچ کیو اور کور کمانڈر کےگھر پر حملہ کیا ہے ان کے خلاف اگر آرمی ایکٹ کے تحت کارروائی ہو سکتی ہے تو اسی کے تحت کارروائی ہونی چاہیے۔
انہوں نے کہا کہ افواج پاکستان پر حملہ،پاکستان پر حملہ اور پاکستانیوں کے دل پر حملہ ہے میں اس کی بھرپور مذمت کرتا ہوں۔