جمائما نے بیٹوں کے ٹوئٹر اکاؤنٹس کی حقیقت بتا دی

لندن: چیئرمین پاکستان تحریک انصاف (پی ٹی آئی) عمران خان کی سابق اہلیہ جمائما گولڈ اسمتھ نے بیٹوں سوشل میڈیا اکاؤنٹس سے متعلق بتا دیا۔

جمائمہ گولڈ اسمتھ نے سماجی رابطے کی ویب سائٹ ٹوئٹر پر اپنے دونوں بیٹوں کے جعلی سوشل میڈیا اکاؤنٹس سے متعلق بتایا کہ جعلی اکاؤنٹس کو میرے بچوں سے منسوب کیا جا رہا ہے۔

جمائما نے بلیو ٹک کی بحالی پر ایلون مسک کا شکریہ ادا کرتے ہوئے کہا کہ میرے بیٹوں کے نام سے اکاؤنٹس سیاسی ایجنڈے کے تحت جعل سازوں کی جانب سے بنائے گئے ہیں۔

انہوں نے کہا کہ آپ کی اطلاع کے لیے بتادوں میرے بچے سوشل میڈیا پر نہیں ہیں اور نہ ان کا سوشل میڈیا پر اکاؤنٹس بنانے کا کوئی ارادہ ہے۔  یہ بالکل وہی معاملہ ہے جس کا مجھے ڈر تھا جب ٹوئٹر نے ویری فکیشن بلیو ٹک کو ہٹا دیا تھا۔

Thanks Fake accounts pretending to be my children, created by imposters with a political agenda in Pakistan. This is exactly what I feared would happen when you took away Twitter’s verification blue ticks. FYI my children are not on social media & have no plans to be.

— Jemima Goldsmith (@Jemima_Khan) May 18, 2023

واضح رہے کہ ٹوئٹر پر فرزانہ امجد نامی صارف نے جمائما سے سلیمان خان اور قاسم خان کے نام سے بنائے گئے اکاؤنٹس کی تصدیق چاہی تھی۔